聚腳新飯堂：客家爺爺

黑胡椒豬肚湯（$90一窩)，超入味，黑胡椒夠辣，豬肚也爽口，人人讚！

我和一班中學同學感情很要好，不常聚頭，但每到大時大節總會自動蒲頭，相識超過廿年了，由幾少無猜到現在大個仔大個女成家立室，拖男帶女，每次都很熱鬧。唯一頭痛是聚腳地點。以前我們愛到鳳城或醉瓊樓，但最近又轉到新地盤客家爺爺。

新年團年我們到過一趟位於銅鑼灣黃金廣場的客家爺爺，友儕對這家餐廳讚口不絕，最近再聚頭，決定重臨舊地。我們喜歡客家爺爺很易訂位，擺位又不會太擠迫，當然是味道好吃，不油膩又健康。

今次菜單由我發辦，我點了很多招牌菜，有：蒸西洋菜豬肉丸子、紅曲醬豆腐煲和西施梅菜扣肉煲，其餘是秘制沙拉骨、胡椒豬肚湯、金華火腿三色炒飯、蘿蔔炆牛腩、羅漢齋煲、咸旦炆南瓜。

我有八五折咭，埋單$750元，每人約$150，滿意。

西施梅菜扣肉煲（$88）。上等五花腩先炸後炒再加入惠州上等甜梅菜清蒸，味道偏鹹，但好味，用來送白飯更好。

金華火腿三色飯，淡淡地。

這個秘制沙拉骨，還算惹味。

蒸西洋菜豬肉丸子（$48），一碟五粒，十分搶手；用新鮮豬肉搓成球狀，鋪上西洋菜碎加以清蒸，火候拿準繩，肉質嫩滑，西洋菜色澤翠綠，很健康。

咸旦炆南瓜這道菜也好味，咸旦黃很幼細，不會太鹹，南瓜炆夠淋，
與咸旦黃口味融為一體。

我指定吃的紅曲醬豆腐煲（$88），紅曲醬是客家人家常醬料，我以為紅色是辣，但其實一點都不辣。以大米製成，帶鮮味，以黃豆墊底，豬肉則釀入山水豆腐，加入冬菇、吊片等，幾香滑，但當日比較淡口。

蘿蔔炆牛腩，但一般。

羅漢齋煲，咸咸地，都係一般。

飯後去女僕餐廳（！）再短聚，那些侍應妺妺叫我們做主人，哈。五個人加埋成百歲玩大富翁，買地起屋，熱熱鬧鬧。更約定下次再玩過。