早晨呀!! 2015年竟然晨咁早起身，因為我昨晚"竟然" 12 點左右就被睡魔急call，連倒數活動亦無去 >"<。不過無所謂，倒數只係一個形式，點樣迎接新一年先係重要。現在咁早起身開咗個靚頭。
從上年開始已經無計劃任何事，凡事隨遇而安，既來之則安之，只要保持心境平和，就有智慧和信心從容面對。
上年最堅持做的事就係做運動，向來予人感覺好sporty的我，但查實四肢不勤，又瞓到皇朝百晏。上年終於的起心肝要多啲留意香港的事與物，去得最多的地方就係郊區同運動場，外形上清減咗，贏得好多句：「你瘦咗好多。」事實只係減左7磅左右咁大把，但感覺自己精神咗又年輕咗，連帶心情都好好。運動真係可以鍛練心智和毅力，令我有更多正能量。
過去我參與的社會事務極少，但一場雨傘運動令我開始關心香港，更加成為一個好深刻的回憶，我相信亦成為每個有份參與的朋友重要的烙印。係呢場運動上，令我重新認識身邊的朋友，同路人自然走得更近，更有種唔駛講出口的默契；至於unfriend的人，真係少之又少，不過名單已經心中有數嘞，道不同不相為謀囉。
新一年無乜願望，祝福我認識的每一位都身心健康，繼續做好人好事，每日都充滿正能量就OK 啦。
沒有留言:
張貼留言