 |
| 傳媒優先場送上旺旺仙貝，但誰敢撕開來吃呢？ |
 |
| 第一次去MOViE MOViE睇戲 |
 |
| 無聲絕境 |
先講講故事大綱：
全球已經被一群具攻擊性的生物所佔領，只靠聲音來捕獵，人類就算只發出微弱聲響，都可引來殺身之禍！電影中講一個倖存的家庭，已經因此失去了幼子，每天只能靠手語來溝通，以「絕不能發出任何聲響」來保命。然而，父母和兩個小孩，還有肚中一個即將出生的嬰兒，將如何撐下去呢？
所謂講故唔好駁故，劇情某程度上犯駁，散場時可能你會「唓 ......」一聲(哈哈)，但睇演員的演技係勁既，艾美莉賓特(Emily Blunt)飾演臨盤在即的媽媽，還要安撫兩個小孩，單睇佢作動+受傷+躲避怪獸+驚恐的一幕，我已經想俾十個叻！表情複雜到我諗唔到香港有邊個女演員做到！超班！
另一個我鍾意的小演員諾亞祖比(Noah Jupe)《曾演出奇蹟男孩Wonder》，想像力超豐富，唔係下下驚到擘大口得個窿就算。
電影的對白唔超過2成，整套戲又不是默劇，都有其他聲響，然而營造的緊張驚慄的氣氛確實一流。很久沒試過全場觀眾無人夠膽講嘢或大啖唞氣，無人睇手機，連食零食的聲音都無乜滯！
全部觀眾一齊投入電影和整個氛圍係正的！記得準時入場，因為一開始已經進入高潮！
整體來講唔算驚，因為驚都唔敢大嗌出來！壓抑有時更可怕。
沒有留言:
張貼留言