2019年6月7日

【海洋公園搵食 Ginger Grill 爐炭燒】

為咗食,可以去到幾盡?就係住九龍區都專程去到海洋公園......「Ginger Grill 爐炭燒」餐廳吃晚飯!



年幼時去海洋公園只為玩樂,抱歉當年未識游水,所以連水上樂園都無幫襯過。長大後都有斷續去海洋公園玩和拍拖,例如生日當天一定去,因為可以免費入場!!




海洋公園內的高級泰國餐廳ginger grill


好了,最近生日月,飯局特別多,友人約我到海洋公園內的「Ginger Grill 爐炭燒」餐廳吃晚飯,咁特別?!為了食好西,當然唔會錯過。

主打炭燒美食,由明火炭燒爐現烤而成,食客可圍坐於爐邊,觀賞廚師手藝烤製各類海鮮及滋味肉食




餐廳主打泰國菜,提供泰式地道菜式、明火炭燒及多款以薑入饌的菜式和飲品,適合夏日炎炎的天氣,無乜胃口反而想食香口嘢!

當晚一共五人,包括兩位大隻佬(真係玩健身嗰隻),另外三位女士(包括我和另一女生,都屬運動型),所以可以盡情吃個夠,之後做運動找數就得啦!

香茅椰汁雞湯($68)

講明泰式,就多少都帶辣,我向不喜歡吃辣,但偶爾都吃。今次的酸辣湯和沙律是挑戰我的辣的底線,講真,個辣度好正宗,上湯以豬骨熬製而成,加入南薑、辣椒、香茅及秘制香料,由舌尖開始辣起,再慢慢感受到酸甜和海鮮味,滋味無窮,邊飲邊冒汗,但竟然覺好好飲!
炭爐燒大蝦酸辣湯$108——寫明採用斯里蘭卡大蝦

柚子沙律($88)


我們點了的菜式:
炭爐燒大蝦酸辣湯$108——寫明採用斯里蘭卡大蝦
香茅椰汁雞湯($68)
木瓜沙律($88)
柚子沙律($88)
肉碎生菜包($98)
炭烤豬頸肉($98)
傳統泰式沙嗲串燒(牛豬雞共6串 $98)
泰式大蝦炒金邊粉($188)
美國有骨肉眼扒40安士($1088)
泰式船麵(每碗港幣 128 元)
甜品:
炸香蕉$48
蜜糖薑汁燉蛋$68
Mocktail topical passion 熱帶激情:紅莓汁,菠蘿汁,梳打及雪碧$78

Mocktail topical passion 熱帶激情:紅莓汁,菠蘿汁,梳打及雪碧$78

Mocktail topical passion 熱帶激情:紅莓汁,菠蘿汁,梳打及雪碧$78

Mocktail topical passion 熱帶激情:紅莓汁,菠蘿汁,梳打及雪碧$78

木瓜沙律($88)都暗藏少辣



先來一個肉碎生菜包($98),大片生菜包著香辣肉碎,非常開胃

我本人不吃牛,所以主力消滅炭烤豬頸肉,總廚指定要選用「備長炭」燒烤食材,皆因其熱力可達至高溫九百度,能快速有效地鎖住肉汁,更把食物燒至外脆內軟,逼出油脂,比一般炭更能炮製出更香口滋味。廚師好有心思自製香茅枝代替燒烤用的油掃,將香料掃上各式燒物,把香茅及香料等味道同時帶入食物中。難怪豬頸肉的邊烤得焦香,但又保持肉質嫩滑,如果你吃過烤到似柴皮的豬頸肉,就明白我有幾感動!

炭烤豬頸肉($98)


另外,終於有機會吃到友人常說的泰式船麵,餐廳每日限量供應 150 碗,以豬腩肉、豬肉丸等多種豬類食材入饌,香濃湯底以豬骨及滷水料烹調兩日熬成,上桌前加入脆卜卜的炸豬皮,成為「五豬」船麵,本來減吃澱粉質的我都忍唔住口。


泰式船麵($128)


一大碗泰式船麵可分成5小碗,人人都可分享得到。

吃串燒又點可以唔混醬?特別炮製傳統泰式六醬,包括辣醬、泰式南乳薑辣醬、羅望子酸辣汁、泰式南薑豆醬、特色薑味醬、薑黃薄荷沙律醬,以塔式放置,由底層最不辣,挑戰至最頂層辣醬,非常啱嚐辣的朋友仔!


傳統泰式沙嗲串燒(牛豬雞共6串 $98)


甜品是賣相漂亮的椰子焦糖燉蛋、炸香蕉,最得朋友仔歡迎的竟是造型可愛的白朱古力及薑心朱古力,免費的!生日月吃得太多,真的要忍口了,所以只是淺嚐,已經覺得好滿足。



造型可愛的白朱古力及薑心朱古力,免費的!

蜜糖薑汁燉蛋$68

炸香蕉$48

個人覺得今次的體驗不錯,最緊要餐廳環境好舒適服務貼心,座位安排不會「有咁迫得咁迫」,每張枱有空間走動,而且晚上 6 時 30 分後可免費入場,不用擔心入場費(其他動物設施、機動遊戲、景點及禮品店並不開放)、免開瓶費、惠顧美食滿全單港幣$500 或以上即贈送一張 4 小時免費泊車優惠券,全單惠顧滿港幣$1,000 或以上即贈送兩張 4 小時免費泊車優惠券,如此類推。值得約埋朋友仔一齊遠離繁/煩囂,又設用餐時間的餐廳慢慢傾慢慢嘆返餐。



沒有留言:

張貼留言