舊文章搜尋

2010年5月10日

品味由錢來打造?



係人都識講,有錢未必有型有品味。但有型的先缺條件係咪要有錢呢?

好似係,又好似唔係。無錢又點買多些衫褲鞋襪來配襯呢?但犀利哥一出又打破了這論調。不過講到底,錢幫唔到你變有型,但有錢可以令你在錯誤中學習。買多幾次,錯多幾次,你就會慢慢培養到自己的品味和風格。

自問不是fashionista,又不是唔食飯都要買衫那種人。但早年有人說了一句:「依家唔扮靚等幾時?唔通老左先來扮?」於是令我有所頓悟,也因此,我的衣服配飾也愈來愈多,快要到淪陷的地步。

很多年前訪問過一位名模,向她請教換季心得,她有這樣的提議:潮衣當然要買original,但如果是基本或打底用,大眾化如giordiano或MANGO已可搞掂(當年還未有zara/H&M),這個穿衣信條,確值得參考。

我是H&M的擁躉,每次都一定會放低幾襾才出來。原因是SIZE齊備,有我的專屬32 或34 SIZE,可知道許多歐洲大店根本沒有這些"小童SIZE"。所以我從來沒可能在馬莎買到衣服!

最近H&M又預展秋季新裝,大熱天介紹秋裝?基本上時裝已無季度之分,何況暫時上場的秋裝只是喱士薄紗或棉褸。我喜歡H&M的styling功能,看上去與名牌無異。秋季新裝以修身和多層次打扮,而顏色則以米色,啡色等中性色彩,還有黑,灰等等,簡單有型易襯。

穿衣無分貴賤,貴價大眾化都各有優點,如果想買signature或經典就不要買Copycat,要買就要買原裝,因為原裝的cutting和質料,始終是勝一籌的。



沒有留言:

張貼留言