舊文章搜尋

2014年7月6日

不是影評: Chef 滋味旅程


老老實實,每日打開facebook,就一大堆令人沮喪同氣憤的消息,社會氣氛真係好差,我都想逃避,但點都要撐落去,因為香港是我家......(下刪五萬字.....)唯有搵方法令自己cheer up啦!

昨晚睇左《Chef 滋味旅程》 的優先場,睇Trailer以為係講美食快餐車( 70後的朋友仔應該知我邊套戲) .....


咁事實都係圍繞一架迴巡全國的三文治快餐車,但內容唔係咁單一only講愛情色香味或飲食男女,而係巧妙地融入新世代元素,即係social networking 社交網站的威力,可以捧你上天亦可以將你踩到變地底泥;失意的「廚房佬」因為變左地底泥,而開始喚醒自己的夢想,再因為兄弟,兒子和前妻的支持,最終反擊成功。




電影以一碟碟垂涎美食作主菜,加入大量幽默笑料調味,引伸出人生和夢想的甜酸苦辣百味交集,色香味俱全,看得很過癮。內容還有親子、友情、愛情......配樂用上大量的古巴音樂,好熱情好激動、仲有好多黑色幽默的搞笑場面,令人氣緒高漲,暫時忘記唔開的事,一陣咁多。








我開頭入場睇,係為左羅拔唐尼、施嘉莉祖安遜和德斯汀荷夫曼,點知,全部都係大串星!!!肥佬大廚至係男煮雀,原來佢係《鐵甲奇俠》的導演莊法來奧,噢,有印象了!雖然大星星戲份唔多,但都係關鍵人物,而且故事非常正氣勵志,真係好值得入場看!推介。





沒有留言:

張貼留言