2015年8月9日

不是影評:低俗殭屍玩出征 What We Do in the Shadows


完全是美麗的誤會。

開頭看戲名低俗殭屍玩出征,加上杜文澤呢個字。我以為是港產殭屍片。

結果,是一套西片。但竟然比想像中好笑,既不低俗也不胡鬧,是一套可以由頭笑到落尾的電影!!





電影以《今日睇真啲》式的偽紀錄片(Mockumentary) 形式為主,全程由電視台攝製隊直擊1屋4隻殭屍的秘密私生活,由他們親自現身說法講述從歐洲移民到紐西蘭的血淚史。





故事由殭屍瞓醒從棺材彈起開始,然後介紹他們幾隻性格截然不同的殭屍的生活和脾性,原來殭屍跟普通人一樣,一樣要搵食,會晚上獵食找活人來吸血、要洗碗做家務、又要為去邊度夜蒲而煩惱,更加要學識新科技用電腦、上網,和用smart phone……



當中最老的殭屍芳齡8000歲!4隻殭屍在屋內相依為命,性格迴然不同,雖然吸血,但性格搞鬼兼論盡(其中一幕是吸血時,咬錯大動脈而令血流如泉湧,血流成河),加埋幾隻野加埋成億歲還是唔化,似足小學雞。名片被繹作低俗,但故事發展的流暢,演員的演出也自然隨意,不像演戲,看得很舒服,最後決戰人狼一役,更是笑到你肚痛。


值得一提,飾演379歲viago的靚仔Taika Waititi,是全片的靈魂,自編自導自監自演!電影在全球11個影展橫掃超過13個獎項!



90分鐘的長片,一點都不低俗,它顛覆了傳統殭屍片深沉可怕的格局,注入天馬行空和惡搞的元素,殭屍鬥狼人,又有女巫及喪屍,絕非求其推砌,但求呃你入場的爛片。


溫馨提示,為了增加吸引力,廣東話版以杜汶澤和鄭中基配音,並且以配上廣東粗口,是III級片為賣點。但講真,識睇一定睇原裝英文版,夠原汁原味,再睇埋字幕都夠你笑餐飽。想消暑輕輕鬆鬆入戲院睇場戲,但求笑餐飽的話,這套是選擇之一。

沒有留言:

張貼留言