舊文章搜尋

2016年1月13日

感慨篇:追夢的歷煉

到今日都仲係俾100毛 毛記電視《第一屆十大勁曲金曲分獎典禮‬ 2015》洗版,見證到一個新媒體形式可以成功出現,我呢個有經驗的老餅真係好替佢地開心。


謝謝老友傳來她的珍藏,哈哈。


一路都唔想講我係2010年搞Stylexpress 的經驗或見識,因為係開心而痛苦的回憶。依家見到 林日曦講贊助 的困難,我都加埋嘴講埋一份,「想當年」好老套,所以我只會講一次,以後唔再回應。

一路以來,出版自己的刊物係我的夢想或心願,所以當2010年回復自由身,就憑一股熱血同朋友夾份出版Stylexpress,憑我地多年係出版界的經驗,雜誌的框架好快就籌備好,當時的目標好清晰--本地,即係依家講的本土意識,例如本地小作者(唔需要專業作家,只要係喜歡寫野又有潛質的人就OK),本地設計師,本地小店,甚至本地遊,乜叉都係以本地為出發點,香港人唔撐香港真係講唔通囉?同時,但凡有參與過的人(寫稿,攝影,排版,model或者stylist等等)都可以有少少錢分到就好嘞。

起初,膽粗粗問下身邊認識的品牌渣fit(錢)人,索下佢地有無興趣支持我,例如金錢或產品贊助,個個都係話好呀好呀,一定支持,情況就同得閒飲茶一樣隨口UP之嘛,結果到我真正出proposal同quotation時,又突然縮沙退軚,so99y,暫時都係幫唔到手嘞,barter得唔得呀?(舉例)即係送一百箱廁紙好唔好吖,當支持咗架嘞。咁唔通我又同返印刷同發行講,用一百箱廁紙交易好唔好?

雖然有一連串的試鍊,最後都係憑住道火令Stylexpress出咗8期,自問擺咗唔少心機落去,可惜都係敵唔過土地問題,一眾同事都係決定暫時停刊,尋求其他出路,希望係不久將來以另一個形式出現。

老老套套,呢幾期的出版經歷之中,真係遇上唔少仆街人仆街事,扮幫手又無咗影,model甩底,話落稿到最後當睇你唔到之類......我都一樣好感謝佢地,因為呢類人或事的出現,我會當係攻擊我的石頭,我會收埋落黎當係我的磚頭,幫我砌一間簡陋的房子;同時令我見到邊個先係「真。朋友」,在此又係要多謝一眾出心出力,甚至背後支持我的朋友或品牌,邊個?在心中!(你呀,你呀,仲有你呀~)

沒有留言:

張貼留言