舊文章搜尋

2010年3月15日

我家衰仔系列:貓仔二三事


阿囡(其實佢係男仔,不過對"囡"呢個發聲有反應,所以唯有叫阿囡啦!)已經半歲勒,由最初驚養唔大,到現在紮紮跳,仲愈來愈頑皮,真係轉變好大。

最搞笑係現在學識投訴,會好淒涼地喵三聲;另外仲會好似貓頭鷹咁"咕喔"發音(我試過用喉嚨發音但都唔似)--這叫聲係作出最強烈的不滿。幾時會投訴呢?就係無人理佢唔同佢玩,無糧無水或者貓砂盤唔夠乾淨,真係奄尖大少呀!

繩狀最能觸動它的神經,我於門上掛了一條外套,因為衫腳有繩,佢就好努力,沿地下直線向上彈跳抓件衫,有幾次仲成功抓住條繩,有幾次失敗,就望住作衫"咕喔"......最近仲學習開門,彈跳位置能觸及門鎖,好在度門唔係咁易開。可能遲D佢會自己識開門行出街。

擒日發生一件好笑事。一直都有同佢玩追毛毛,但佢成日自己收埋條毛毛,通常佢會收埋係床下底。於是,昨晚問囡囡:條毛毛呢?連續問佢幾聲,毛毛呢?佢好似知我講乜,跟住自己捐入床下底,伏係毛毛旁!原來係話我知毛毛所在地。咁乖巧,真係錫到佢燶,雖然佢仲係成日咬我。


1 則留言:

  1. 點解你隻囡囡,半歲就咁大隻既... 我對b&b,今個月一歲嘞,塊面仲係細我過我掌...

    回覆刪除