送禮第3擊 K11 food art festival

我常覺得吃可以醫百病，尤其是心情不好時，大吃大喝或吃一些平時不捨得吃的東西，無需理由放肆一下，心情就會好起來。百力滋薯片汽水是我的soothing food，管不了生暗瘡或熱氣，沒法子，後生是喜歡香口的東西，呵呵。基本上我又不大喜歡獨個兒吃東西，好像一個孤獨精，但現在常一個人出動，就會買一本雜誌或帶一本書，邊看邊食做鴕鳥。





早前到尖沙嘴K11商場工作，工作人員給我派場刊，印刷都頗精美，所以姑且一看。（我承認我一見到印刷品就會發狂）。商場正在搞food art festival，用甜品做主題，果然是中正大家愛吃甜品的要害。以我經驗大型商場通常都擺出一副高不可攀的及趕窮客的架勢，反而K11就玩藝術，加上店舖排列不算密麻麻，可以慢慢行慢慢睇，算是比較親民。

商場大，就要揀重點看，我覺得「吐司藝術作品」頗特別，藝術家用多士和火槍製成畫，例如奧巴馬和貓王都幾神似，另外場內外都有很多colorful的擺設，大型macaron呀，咖啡杯，還有本地藝家的「味不可言」展覽，從酸、甜、苦、辣的角度展現飲食文化與生活藝術，整體來說都叫落本落心思。恕我直言，我寧願行這裡，總好過大減價人迫人，又或者地方方言嗌到拆天的商場囉，如你喜歡靜靜地行下，欣賞文化藝術，就可以去睇睇，場內展覽至十月中完結。

仲有仲有，K11送上精美TEE給本BLOG讀者，名額15件，老規矩，最快舉手的朋友仔就可以得到，到時有專函通知到商場領取。仲唔留名留EMAI給我？謝謝！